დიდ დიღომში მომხდარი შემთხვევის შედეგად დაზიანებული კორპუსის გვერდით მდებარე კორპუსის მცხოვრებლების განცხადებით, აფეთქების შედეგად მათი საცხოვრებელი ბინებიც დაზიანდა.
როგორც ადგილობრივები „ინტერპრესნიუსთან“ საუბარში აცხადებენ, გუშინ უსაფრთხოების მიზნებიდან გამომდინარე, სახლების დატოვება მოსთხოვეს, დღეს ადგილზე პირადი ნივთების ასაღებად მივიდნენ.
მათივე ინფორმაციით, ადგილზე სპეციალისტები იმყოფებოდნენ, თუმცა ჯერ მათთვის ცნობილი არ არის, ვარგისია თუ არა საცხოვრებლად კორპუსი.
დიდ დიღომში, საცხოვრებელ კორპუსში გუშინ მომხდარი აფეთქების შედეგად 4 ადამიანი გარდაიცვალა, აქედან ერთი მცირეწლოვანი ბავშვია. დაშავდა 8 ადამიანი, თუმცა, ისინი კლინიკებიდან დღეს გაწერეს და ამ დროისთვის იაშვილის საავადმყოფოში მხოლოდ ერთი ბავშვი განაგრძობს მკურნალობას