თუ ვიღაცას საკუთარი სასამართლოს მოწყობა უნდა, მისამართი აერია, - ამის შესახებ საქართველოს პარლამენტის დამოუკიდებელმა დეპუტატმა, დავით ჭიჭინაძემ ჟურნალისტებს განუცხადა. როგორც ჭიჭინაძემ აღნიშნა, ეს ქვეყანა არასდროს მიიღებს „ვიღაც ერთი კაცის სასამართლოს“.
„ეს არ არის დამოკიდებული მხოლოდ და მხოლოდ გარკვეულ პოლიტიკურ ძალაზე. სასამართლო არის ყველას ინტერესში. ამიტომ, გამოყვება თუ არა ეკა ბესელიას უმრავლესობა ამ პროცესში, ვფიქრობ, საკუთარ რეპუტაციას საკმაოდ დააზიანებს, თუ იქნება ისეთი გადაწყვეტილება მიღებული, რომელიც საზოგადოებისთვის მიუღებელია.
ჩვენ ვხედავთ, რომ უმრავლესობას თავიანთ დამსახურებად მიაჩნია ამ სიის გაწვევა. შესაბამისად, რა განცხადებებიც კეთდება, ხვდებიან, რომ ნაბიჯი იყო არასწორი, აქედან გამომდინარე, იმედი მაქვს, გაასწორებენ ამ შეცდომას", - განაცხადა ჭიჭინაძემ.