„ევროპული საქართველოს" წევრები არასამთავრობო ორგანიზაციის წარმომადგენლებს ხვდებიან. შეხვედრა, რომელიც პარლამენტში მიმდინარეობს, უზენაესი სასამართლოს მოსამართლეთა სიას და მოსამართლეთა შერჩევის პრინციპს ეხება.

შეგახსენებთ, რომ იუსტიციის უმაღლესმა საბჭომ პარლამენტს განსახილველად წარუდგინა უზენაესი სასამართლოს მოსამართლეთა ათკაციანი სია. ესენი არიან: მარიამ ცისკაძე, ნინო ქადაგიძე, მიხეილ ჩინჩალაძე, პაატა სილაგაძე, დიმიტრი გვრიტიშვილი, მერაბ გაბინაშვილი, ნინო სანდოძე, თამარ ალანია, გიორგი ტყავაძე და გიორგი მიქაუტაძე.

როგორც ცნობილია, არასამთავრობო სექტორი და ცალკეული პოლიტიკოსები ამ სიის უკან გაწვევას ითხოვს. პარლამენტმა კი სიის განხილვა საგაზაფხულო სესიამდე გადადო.