ოთარ კახიძის განცხადებით, „ევროპული საქართველო" და არასამთავრობოები თანხმდებიან, რომ მოსამართლეთა ათკაციანი სია პარლამენტიდან უნდა გაიწვიონ

საპარლამენტო უმცირესობის წევრის ოთარ კახიძის განცხადებით, „ევროპული საქართველო" და არასამთავრობო ორგანიზაციები თანხმდებიან იმაზე, რომ უზენაესი სასამართლოს მოსამართლეთა ათკაციანი სია პარლამენტიდან უნდა იქნას გაწვეული და შემუშავდეს ისეთი კრიტერიუმები, რომელიც უზენაესი სასამართლოს მოსამართლეების გამჭვირვალედ არჩევას უზრუნველყოფს.

როგორც კახიძემ მესამე სექტორთან შეხვედრის დასრულების შემდეგ ჟურნალისტებს განუცხადა, უზენაესი სასამართლოს მოსამართლეების შერჩევის საკითხზე შეხვედრა არასამთავრობოებთან მომავალშიც გაიმართება.

„ევროპულ საქართველოს", არასამთავრობო ორგანიზაციებს ძალიან ბევრ საკითხზე იდენტური ხედვა აქვს, იმაზე თუ რა არის გამოსასწორებელი სასამართლო სისტემაში, რა ნაბიჯებია გადასადგმელი ამ ვითარების გასაუმჯობესებლად. კერძოდ, ეს ეხება სიის უკან გაწვევას, კრიტერიუმების და პროცედურების შემუშავებას, რომ არ იყოს ჩაკეტილი და სასამართლოს ეს მმართველი "კლანი"თავიდან ბოლომდე არ მართავდეს პროცესს. ჩვენ კონსულტაციების შემდგომ რაუნდებს გავაგრძელებთ და საბოლოოდ შევჯერდებით ერთ პოზიციაზე, რასაც შემდგომში წარვუდგენთ, როგორც იუსტიციის უმაღლეს საბჭოს, ისე პარლამენტს", - განაცხადა კახიძემ.

შეგახსენებთ, რომ იუსტიციის უმაღლესმა საბჭომ უზენაეს სასამართლოში წარსადგენი მოსამართლეთა 10 კანდიდატურა დაასახელა. ესენი არიან: მარიამ ცისკაძე, ნინო ქადაგიძე, მიხეილ ჩინჩალაძე, პაატა სილაგაძე, დიმიტრი გვრიტიშვილი, მერაბ გაბინაშვილი, ნინო სანდოძე, თამარ ალანია, გიორგი ტყავაძე და გიორგი მიქაუტაძე.

აღნიშნულ კანდიდატებზე მსჯელობა პარლამენტის საგაზაფხულო სესიისთვის გადაიდო.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს