ევროკავშირის ელჩი საქართველოში - იმედი გვაქვს, რომ წლევანდელი არჩევნებიდან დასკვნები იქნება გამოტანილი

იმედი გვაქვს, რომ წლევანდელი არჩევნებიდან დასკვნები იქნება გამოტანილი და დავინახავთ მზადებას საპარლამენტო არჩევნებისთვის, რომ ეს შეცდომები და ნაკლოვანებები გამოსწორდეს,- ამის შესახებ ევროკავშირის ელჩმა საქართველოში კარლ ჰარცელმა მედიასთან განაცხადა.

როგორც ჰარცელი აღნიშნავს, არჩევნების დროს გამოჩნდა, რომ მედია პოლარიზებულია.

„როდესაც ვსაუბრობთ მედიალანდშაფტზე ამ ქვეყანაში, ამაზე მე ადრეც ვისაუბრე საარჩევნო კამპანიის დროსაც, ჩვენ რაც ვნახეთ და რაც საერთაშორისო დამკვირვებლებმაც დაინახეს, არის ის, რომ ძალიან პოლარიზებული მედია გარემოა და პოლიტიკურადაც რა თქმა უნდა, პოლარიზებული გარემოა ზოგადად. ამ არჩევნებზე ეს კარგად გამოჩნდა. ვფიქრობ, კარგი და ჯანსაღი მიდგომა იქნებოდა, რომ ვიპოვოთ ოქროს შუალედი, ანუ იყოს მაღალი დონის ჟურნალისტიკა და ჩვენ რა თქმა უნდა, გვექნება სურვილი, რომ საქართველოს ამ მხრივ დავეხმაროთ, რადგან პლურალიზმი ერთი საკითხია და დავინახეთ, რომ მედიაში გამოიხატება სხვადასხვა შეხედულებები. სხვადახვა აზრი გამოითქმება თავისუფლად, მაგრამ არის შესაძლებლობები, რომ დავინახოთ რაღაც შუალედი, განსაკუთრებით ეს ეხება კრიტიკულ მედიას.

იმედი გვაქვს, რომ დასკვნები იქნება გამოტანილი. იმედია, დავინახავთ მზადებას საპარლამენტო არჩევნებისთვის, რომ ეს შეცდომები და ნაკლოვანებები იყოს გამოსწორებული. მნიშვნელოვანია, რომ ეს გამოსწორდეს",- განაცხადა ჰარცელმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს