ლიეტუვის პრეზიდენტმა დალია გრიბაუსკაიტემ საქართველოს პრეზიდენტ სალომე ზურაბიშვილს თბილისში საცხოვრებელ სახლში მომხდარი აფეთქების გამო მიუსამძიმრა. ამის შესახებ განცხადება ლიეტუვის პრეზიდენტის ოფიციალურ ვებგვერდზე გამოქვეყნდა.
„პრეზიდენტმა დალია გრიბაუსკაიტემ ლიეტუველი ხალხის სახელით სამძიმარი გამოუცხადა საქართველოს პრეზიდენტს სალომე ზურაბიშვილს თბილისში საცხოვრებელ სახლში მომხდარი აფეთქების გამო, რომელსაც მსხვერპლი მოჰყვა. ამ ტრაგიკული შემთხვევის წინაშე პრეზიდენტმა დაღუპულთა ოჯახის წევრებს გაძლება და სიმტკიცე უსურვა, ხოლო დაშავებულებს - სწრაფი გამოჯანმრთელება“, - ნათქვამია განცხადებაში.