კოლუმბიაში პოლიციის სკოლის ტერიტორიაზე მანქანის აფეთქების შედეგად დაღუპულთა რიცხვი ათამდე გაიზარდა, ხოლო დაშავებულთა რიცხვი 65-ს შეადგენს. ამის შესახებ ინფორმაციას საინფორმაციო პორტალი Heraldo ავრცელებს.
დაღუპულებს შორის ეკვადორის მოქალაქეც არის, რომელიც პოლიციის სკოლაში სასწავლო კურსს გადიოდა, ასევე დაშავებულია პანამის ორი მოქალაქე.
თავდამსხმელი პოლიციის სკოლის ტერიტორიაზე ჯიპით მივიდა, რომელსაც 56 წლის ხოსე ალმედარ როხასი მართავდა. პოლიციის ტერიტორიაზე შეჭრის შემდეგ მან მანქანაში თავი აიფეთქა. მომხდარის მიზეზები ჯერ დაუდგენელია.