საგარეო უწყება კენიაში განხორციელებული თავდასხმის შედეგად მოქალაქეების დაღუპვის გამო მწუხარებას გამოთქვამს

საგარეო საქმეთა სამინისტრო კენიაში განხორციელებული თავდასხმის შედეგად მოქალაქეების დაღუპვის გამო ღრმა მწუხარებას გამოთქვამს.

„საქართველოს საგარეო საქმეთა სამინისტრო გამოხატავს ღრმა მწუხარებას 15 იანვარს კენიის დედაქალაქ ნაირობის „დუსითის“ სასტუმრო კომპლექსზე „ალ-შაბაბის“ ტერორისტული დაჯგუფების მიერ განხორციელებული თავდასხმის გამო, რომლის შედეგად დაიღუპა 21 და დაიჭრა 28 ადამიანი.

საქართველო მკაცრად გმობს ტერორიზმის ნებისმიერ გამოვლინებას და მხარს უჭერს კენიის ხელისუფლების ძალისხმევას, რომელიც მიმართულია ქვეყანაში სტაბილურობის განმტკიცებისა და ძალადობრივი ექსტრემიზმის წინააღმდეგ.

საგარეო საქმეთა სამინისტრო თანაგრძნობას უცხადებს კენიის მთავრობას და კენიელ ხალხს, დაღუპულთა ოჯახებს და ახლობლებს”, - ნათქვამია სამინისტროს განცხადებაში.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში