რუსეთში, ქალაქ მაგნიტოგორსკში 31 დეკემბერს საცხოვრებელ სახლში მომხდარ აფეთქებაზე, რომლის შედეგად 39 ადამიანი დაიღუპა, პასუხისმგებლობა „ისლამურმა სახელმწიფომ“ აიღო, - ამის შესახებ ინფორმაციას ორგანიზაცია SITE Intelligence Group ავრცელებს, რომელიც ინტერნეტში ექსტრემისტების მონიტორინგს ახორციელებს.

შეგახსენებთ, რომ საცხოვრებელ სახლში მომხდარი აფეთქების ძირითად ვერსიად გაზის გაჟონვას ასახელებდნენ.

აღნიშნულს დღეს რუსეთის საგამოძიებო კომიტეტის ოფიციალური წარმომადგენელი სვეტლანა პეტრენკო გამოეხმაურა. მან განაცხადა, რომ გამომძიებლებს ადგილზე ასაფეთქებელის კვალი არ აღმოუჩენიათ და რომ გაზის გაჟონვის ვერსია პრიორიტეტულად რჩება.

„ჟურნალისტებს ვურჩევ ნუ ენდობიან ტერორისტული ორგანიზაციების განცხადებებს, რომლებიც, როგორც ცნობილია, ყოველთვის იბრალებენ რეზონანსული შემთხვევების განხორციელებას“, - განაცხადა მან.