გიორგი დოხტურიშვილი - დიდ დიღომში მომხდარი ტრაგედიის ფონზე, გარკვეული პირები ცრუ ინფორმაციას აწვდიან საზოგადოებას და ცდილობენ  სპეკულაციას

თბილისის საკრებულოს სამგორის რაიონის(მესამე მასივი) მაჟორიტარი გიორგი დოხტურიშვილი დიდ დიღომში მომხდარ აფეთქებაზე ოპოზიციის განცხადებებს გამოეხმაურა. მისი განცხადებით, ოპონენტები ტრაგედიით სპეკულაციას ცდილობენ.

„სამწუხაროდ, დიდ დიღომში მომხდარი ტრაგედიის ფონზე, გამოჩნდნენ გარკვეული პირები და ჯგუფები, რომლებიც არაკვალიფიციურობის თუ პოლიტიკური მოტივაციის გამო, ცრუ ინფორმაციას აწვდიან საზოგადოებას და ცდილობენ ამ ტრაგედიით სპეკულაციას. მათი ყოველდღიური დღის წესრიგი მოსახლეობის შეცდომაში შეყვანაა, რასაც ხშირ შემთხვევაში ცდილობენ, მაგრამ არის საკითხები, როდესაც ამის კეთება ყოველგვარ ზღვარს და ზნეობრივ ბარიერს აბიჯებს“, - აღნიშნა გიორგი დოხტურიშვილმა.

სამგორის მაჟორიტარი ყურადღებას ამახვილებს ოპოზიციის გუშინდელ განცხადებებზე, რომლითაც გარკვეული პირები ცდილობდნენ შენობის ექსპლუატაციაში მიღების საკითხს დაუკავშირონ მომხდარი ტრაგედია და ხელი თბილისის მერიისკენ გაიშვირონ.

„ეს სულ ცოტა არაკვალიფიციურობაა, უარეს შემთხვევაში კი უსინდისობა და ტრაგედიით პოლიტიკური ქულების ჩაწერის მცდელობაა. ასეთი მიდგომები ყოვლად მიუღებელია“, - განაცხადა გიორგი დოხტურიშვილმა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა