კახა კალაძის განცხადებით, თბილისის ლაბორატორიამ ვიზუალურად შეამოწმა შენობა, რომელშიც აფეთქება მოხდა, თუმცა სამხარაულის ბიუროს ელოდებიან

თბილისის მერის, კახა კალაძის განცხადებით, თბილისის ლაბორატორიამ ვიზუალურად შეამოწმა შენობა, რომელშიც აფეთქება მოხდა, თუმცა მერია მაინც სამხარაულის ბიუროს ელოდება.

როგორც კალაძემ განაცხადა, როგორც კი მერიას საშუალება მიეცემა, შენობის აღდგენა დაიწყება.

„ლაბორატორიამ შეამოწმა, თუმცა ეს შემოწმება მოხდა ვიზუალურად და თქვეს, რომ იქ ცხოვრება პრობლემას არ წარმოადგენს, თუმცა იმისთვის, რომ ბოლომდე დაზღვეულები ვიყოთ, სამხარაულის ექსპერტიზის ბიუროსაც გადაეგზავნება და ამის შემდეგ უკვე მივიღებთ გადაწყვეტილებას. როგორც კი საშუალება მოგვეცემა შენობაში შესვლის, მაშინვე დავიწყებთ მის აღდგენა-რეაბილიტაციას“, - განაცხადა კალაძემ.

შეგახსენებთ, თბილისის საკრებულოს ფრაქცია „ნაციონალური მოძრაობის" წევრი ლევან ხაბეიშვილი გაზის აფეთქების ფაქტზე თბილისის მერის კახა კალაძის დაკითხვას მოითხოვს.