პრემიერ-მინისტრ მამუკა ბახტაძის განცხადებით, ოფიციალური ვიზიტები აქვს დაგეგმილი ლიეტუვასა და დავოსში.
პრემიერ-მინისტრმა იმედი გამოთქვა, რომ ლიეტუვაში აღნიშნული ვიზიტის შედეგად ორ ქვეყანას შორის მეგობრული ურთიერთობები კიდევ უფრო გაღმავდება.
„ჩვენ გვაქვს დაგეგმილი ოფიციალური ვიზიტი მეგობარ ქვეყანაში - ლიეტუვაში. ლიეტუვა არის ჩვენი მხარდამჭერი და მეგობარი ქვეყანა. მე მინდა, განსაკუთრებული მადლობა ვუთხრა ჩვენს მეგობრებს. დარწმუნებული ვარ, აღნიშნული ვიზიტის შედეგად, ჩვენი ურთიერთობები კიდევ უფრო გაღრმავდება და ჩვენ მათ ახალ დონეზე ავიყვანთ.
ამასთან ერთად, ჩვენ ოფიციალური ვიზიტი გვექნება დავოსში მსოფლიო ეკონომიკურ ფორუმზე. ძალიან მნიშვნელოვანი შეხვედრები გვექნება როგორც პოლიტიკურ, ისე ბიზნეს-ლიდერებთან. რამდენიმე ძალიან მსხვილ კომპანიასთან გარკვეული მოლაპარაკებები უკვე გვაქვს და ვიმედოვნებ, რომ დავოსში ამ შეხვედრების შედეგად ეროვნულ ეკონომიკაში საკმაოდ მნიშვნელოვანი ინვესტიციების მოზიდვას მოვახერხებთ“, - აღნიშნა მან.