მამუკა ბახტაძის ინფორმაციით, 3,4 მლრდ ევროს დახმარება, რომელიც ევროკავშირმა გამოყო, ინფრასტრუქტურული პროექტებისთვის დაიხარჯება

საქართველოს პრემიერ-მინისტრის, მამუკა ბახტაძის განცხადებით, 3,4 მილარდი ევროს ოდენობით ფინანსური დახმარება, რომელიც ევროკავშირმა გამოყო, ქვეყანაში ინფრასტრუქტურული პროექტების განხორციელებისთვის დაიხარჯება. შესაბამისი განცხადება პრემიერმა მთავრობის დღევანდელი სხდომის დაწყებამდე გააკეთა.

ფინანსური დახმარების გამოყოფისთვის მამუკა ბახტაძემ ევროკავშირს მადლობა გადაუხადა.

„მინდა, პოზიტიური ინფორმაცია მოგაწოდოთ. მოგეხსენებათ, რომ ევროკავშირმა საქართველოს გამოუყო 3,4 მილიარდი ევროს ფინანსური სახსრები. ეს არის ძალიან მნიშვნელოვანი პროექტი, რომელიც დაგვეხმარება საქართველო გავხადოთ კიდევ უფრო კონკურენტუნარიანი. ეს არის კიდევ ერთი დადასტურება იმისა, რომ საქართველო ევროკავშირის საიმედო პარტნიორია. აღნიშნული თანხა მოხმარდება რამდენიმე ათეულ ინფრასტრუქტურულ პროექტებს. შესაბამისად, ჩვენი თხოვნა ევროპის მიმართ, რომ გარდაუვალი ყოფილიყო ფინანსური დახმარება საქართველოს მიმართ, დაკმაყოფილებულია. მსურს, განსაკუთრებული მადლობა გადავუხადო ევროპელ მეგობრებს ამისთვის. როგორც მოგეხსენებათ, 21 ნოემბერს გვქონდა ჩვენ ამ საკითხზე შეხვედრა, როდესაც საქართველოს, როგორც ერთადერთ ქვეყანას ევროკავშირმა შესთავაზა ის ფორმატი აღმოსავლეთ პარტნიორობის ქვეყნების სიიდან, სადაც ჩვენ გვქონდა პირდაპირი შეხვედრები და პირდაპირი კომუნიკაცია ევროკომისრებთან. ჩვენ მათთან ერთად გავიარეთ აღნიშნული პროექტები და შესაბამისად, მინდა ჩვენს საზოგადოებას ვამცნო, რომ ეს პორტფელი არის დამტკიცებული. მინდა, ყველას მივულოცო და კიდევ ერთხელ განსაკუთრებული მადლობა გადავუხადო ჩვენს ევროპელ მეგობრებს ამ გადაწყვეტილებისთვის“, - განაცხადა მამაუკა ბახტაძემ.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა