მამუკა ბახტაძე „გაზპრომთან“ ხელშეკრულებაზე - ჩვენ არ ვაპირებთ სატრანზიტო ფუნქციაზე უარის თქმას

საქართველო აგრძელებს თავისი სატრანზიტო ფუნქციის შესრულებას და სატრანზიტო ხელშეკრულებაში ჩადებული სარგებლის მიღებას და თუ რამე სიახლე იქნება, ეკონომიკის სამინისტროს ვალდებულებაა, რომ გააცნოს ეს საზოგადოებას მედიის მეშვეობით, - ამის შესახებ პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ პრესკონფერენციაზე კომპანია „გაზპრომთან“ არსებულ სატრანზიტო ხელშეკრულებასთან დაკავშირებით დასმულ კითხვაზე განაცხადა.

„რაც შეეხება კომპანია „გაზპრომთან“ არსებულ სატრანზიტო ხელშეკრულებას, ბუნებრივია, ჩვენ არ ვაპირებთ სატრანზიტო ფუნქციაზე უარის თქმას. საქართველო საკმაოდ მნიშვნელოვან სარგებელს ღებულობს სატრანზიტო ფუნქციიდან და ჩვენ ამას გავაგრძელებთ. ეს არის ჩვენი ინტერესი. თუ ახალი ხელშეკრულება დაფიქსირდება, ბუნებრივია, ეკონომიკის სამინისტრო დეტალურად გააცნობს საზოგადოებას ჩვენი მასმედიის დახმარებით. მოლაპარაკებები დაიწყება მაშინ, როდესაც იქნება ამის კონკრეტული თარიღი, დედლაინი და შეხვედრა დანიშნული. საქართველო აგრძელებს თავისი სატრანზიტო ფუნქციის შესრულებას და, შესაბამისად, იმ სარგებლის მიღებას, რომელიც ამ სატრანზიტო ხელშეკრულებაშია ჩადებული. რაც შეეხება შიშს და მოლოდინს, მე ყოველთვის შინაარსობრივ კომპონენტზე ვამახვილებ ყურადღებას, თუ გნებავთ, პოლიტიკურზეც გავამახვილებ. იგივე პოლიტიკური გუნდი თავის დროზე, როდესაც ხელისუფლებაში იყო, საუბრობდა იმაზე, რომ მილსადენის გაყიდვა იგეგმებოდა. მე ვცდილობ, რომ ჩემი პასუხები იყოს შინაარსობრივი და ისეთი, როგორიც აინტერესებს ჩვენს საზოგადოებას. როგორც მე ვიცი, ჯერ არ დაწყებულა ამაზე საუბარი, თუმცა თუ კონტრაქტში რამე სიახლე იქნება, ეკონომიკის სამინისტროს ვალდებულებაა, რომ გააცნოს ეს საზოგადოებას მედიის მეშვეობით“, - განაცხადა ბახტაძემ.

კითხვაზე, თუ რატომ ჩამოეწერა დავალიანება კომპანია „ყაზტრანსგაზს“, პრემიერმა განაცხადა, რომ საერთაშორისო არბიტრაჟში იყო დავა, რომლის მიხედვითაც საქართველოს ბიუჯეტს შეიძლება დაკისრებოდა 190 მილიონი დოლარის გადახდა ყაზახური კომპანიის სასარგებლოდ.

„წარმოიდგინეთ, რამხელა თანხაზე იყო საუბარი. ამ შეთანხმების კონკრეტულ დეტალებზე მთავრობის სხდომის შემდეგ ფინანსთა სამინისტრო გააკეთებს კომენტარს“, - აღნიშნა პრემიერმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა