განათლების მინისტრი ჭიდაობის ჩემპიონატზე მომხდარ დაპირისპირებაზე - გამოძიების შემდეგ მზად ვართ ნებისმიერი, მათ შორის მტკივნეული გადაწყვეტილებებიც მივიღოთ

გამოძიების შემდეგ მზად ვართ ნებისმიერი, მათ შორის მტკივნეული გადაწყვეტილებებიც მივიღოთ, - ამის შესახებ საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა ჭიდაობის ჩემპიონატზე მომხდარ ჩხუბთან და ჭიდაობის ფედერაციის პრეზიდენტის მხრიდან მოჭიდავის ცემასთან დაკავშირებული ინფორმაციის შეფასებისას განაცხადა. მისი თქმით, სამწუხაროა, რომ ასეთი ფაქტები ხდება, რადგან ეს აზარალებს მთლიანად ქართულ სპორტს.

„ამასთან დაკავშირებით გვქონდა შიდა სამუშაო შეხვედრა. ძალიან ვწუხვართ ასეთი ფაქტები, რომ ხდება. ეს არ შეეფერება ქართულ სპორტს და იმ წარმატებებს, რომელიც გასულ წელს გვქონდა. ასეთი ფაქტები ჩრდილს აყენებს არა მარტო ამ სფეროს, არამედ ზოგადად სპორტს. ძალიან მნიშვნელოვანია, რომ გამოძიება დაწყებულია და ვიცი, რომ საკმაოდ აქტიურად მიმდინარეობს. გამოძიების დასრულების შემდეგ, იმის მიხედვით როგორი ტენდენციაც გამოიკვეთება, მზად ვართ ნებისმიერი გადაწყვეტილება მივიღოთ უსწრაფესად. გამოძიების შემდეგ მზად ვართ ნებისმიერი, მათ შორის მტკივნეული გადაწყვეტილებებიც მივიღოთ“, - განაცხადა ბატიაშვილმა.

შეგახსენებთ, დაპირისპირება სპორტის სასახლეში 11 იანვარს, ჭიდაობის ჩემპიონატზე მოხდა. ბერძნულ-რომაული სტილით მოჭიდავე, ევროპის ორგზის ჩემპიონი ზურაბ დათუნაშვილი აცხადებს, რომ ფედერაციის პრეზიდენტმა გეგა გეგეშიძემ მას რკინის ბლაგვი საგანი ჩაარტყა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა