რომან კაკულია - FREEDOM HOUSE-ის წარმომადგენლის განცხადება საყურადღებოა, თუმცა სამწუხაროდ, უარყოფით და ნეგატიურ მუხტს უშვებს

FREEDOM HOUSE-ის წარმომადგენლის განცხადება, საყურადღებოა, თუმცა სამწუხაროდ, უარყოფით და ნეგატიურ მუხტს უშვებს, - ამის შესახებ საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე რომან კაკულია აცხადებს.

კაკულია რადიკალურ შეფასებას არ ეთანხმება.

„განცხადება, რომელიც FREEDOM HOUSE-ის წარმომადგენელმა გააკეთა, რა თქმა უნდა, საყურადღებოა, თუმცა პოლიტიკურად მიუკერძოებელმა ადამიანმა ოთხ ძირითად ფაქტორს უნდა მიაქციოს ყურადღება. პირველი - ასეთი ტიპის განცხადება მნიშვნელოვანია, რადგან ის ზეგავლენას ახდენს საზოგადოების იმ ნაწილზე, ვისაც კომპეტენტურად მიაჩნია ეს ორგანიზაცია. იმისდა მიუხედავად, ჩვენ რა დამოკიდებულება გვექნება მისი შინაარსის მიმართ, ეს განცხადება, სამწუხაროდ, უარყოფით და ნეგატიურ მუხტს უშვებს. მეორე - ჩვენ აუცილებლად უნდა გავიხსენოთ, რომ თვითონ საერთაშორისო ორგანიზაციები ძალიან დიდი ხნის განმავლობაში შეცდომაში იყვნენ შეყვანილი და იმ პერიოდში, როდესაც შეუდარებლად მეტად ირღვეოდა ადამიანის უფლებები ამ ქვეყანაში, საკმაოდ გვიან მიაღწია ამ ინფორმაციამ დასავლურ ორგანიზაციებამდე. იყო კრიტიკული შენიშვნები, მაგრამ დემოკრატიის გაცილებით უფრო მძიმე პრობლემების დროს არ ყოფილა ასეთი შეფასება. ეს ფაქტი მესამე საკითხს აყენებს, რაც ინფორმაციის წყაროებს ეხება; თუ ვინ არიან მიმწოდებელნი იმ ინფორმაციის, რომლის საფუძველზე ეს ხედვა ყალიბდება. რადგან ისტორიული მეხსიერება გვახსენებს, რომ დემოკრატიასთან მიმართებით გაცილებით უფრო მძიმე შედეგები გვქონდა, რომელსაც ნაკლებად მტკივნეული შეფასებები მოჰყვებოდა ხოლმე, ამიტომ ჩნდება შეკითხვა - ტენდენციურობასთან გვაქვს საქმე თუ წყაროს არასანდოობასთან, რომელსაც ეს შეფასება ეყრდნობა. არსებობს მეოთხე, გაცილებით უფრო მნიშვნელოვანი მოცემულობა, თუ რას ფიქრობს შენი საზოგადოება. ჩვენ ყველამ ვიცით, რომ პრობლემები გვაქვს, ჩვენც ვაღიარებთ რომ დემოკრატიასთან მიმართებაში ყველაფერი იდეალურად შეიძლება არ იყოს დღეს, თუმცა ასეთ დრამატულ და რადიკალურ შეფასებას ვერ დავეთანხმები, რადგან დემოკრატიული პროცესები არ არის ერთჯერადად და მყისიერად მოსაგვარებელი საკითხი ისეთი ეკონომიკური განვითარებისა და იმ წარსულის მქონე ქვეყანაში, რომელიც ჩვენ გვაქვს“, - განაცხადა კაკულიამ.

აღნიშნულ ინფორმაციას პარლამენტი ავრცელებს.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია