ელგუჯა ხოკრიშვილი - გერმანიის მიერ უსაფრთხო ქვეყნების სიაში საქართველოს შეყვანასთან დაკავშირებულ გადაწყვეტილებას საფრთხე არ ემუქრება

გერმანიაში საქართველოს ელჩი, ელგუჯა ხოკრიშვილი მიიჩნევს, რომ გერმანიის მიერ უსაფრთხო ქვეყნების სიაში საქართველოს შეყვანასთან დაკავშირებულ გადაწყვეტილებას საფრთხე არ ემუქრება, თუმცა წინასწარი პროგნოზების გაკეთება არასწორად მიაჩნია. როგორც ხოკრიშვილმა „ინტერპრესნიუსს“ განუცხადა, საბოლოო გადაწყვეტილება სავარაუდოდ რამდენიმე თვეში გახდება ცნობილი.

“ამ გადაწყვეტილებას წინ უძღოდა კოალიციური მთავრობის შეთანხმება, რომელიც იმას გულისხმობდა, რომ ყველა ის ქვეყანა, რომლის მოქალაქეების მიერ მოთხოვნილი თავშესაფრის დაკმაყოფილების კვოტა 5%-ზე დაბალია, უსაფრთხო წარმოშობის ქვეყნად იყოს აღიარებული. ეს კანონპროექტი წინა წელს მოამზადა კოალიციურმა მთავრობამ, გადაუგზავნა ბუნდესტაგს, იყო განხილვები და დღეს კენჭისყრა მოხდა ამ კანონის. შემდეგი ეტაპი არის, რომ ეს კანონპროექტი საჭიროებს მეორე ინსტანციის - ე.წ. ფედერაციული საბჭოს თანხმობას. მიწის წარმომადგენლებისგან არის ეს საბჭო დაკომპლექტებული, რომელიც თვეში ერთხელ იკრიბება. ამიტომ ზუსტად ძნელია შევაფასოთ როდის შეიკრიბება ეს საბჭო და როდის განიხილავენ ამ საკითხს. ეს შეიძლება იყოს ორ, ან სამ თვეში, მაგრამ ვიდრე ეს ფედერაციული საბჭო კენჭს უყრის, მანამდე გაიმართება პოლიტიკური კონსულტაციები პარტიებს შორის, იმისთვის, რომ მოხდეს ამ კანონპროექტის მხარდაჭერა. კოალიციური მთავრობის ერთ-ერთი პუნქტი სწორედ ეს იყო - ამ კანონზე შეთანხმება“, - განაცხადა ხოკრიშვილმა.

შეგახსენებთ, რომ გერმანიის ბუნდესტაგმა საქართველოს უსაფრთხო ქვეყნის სტატუსი მიანიჭა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს