ადამიანის უფლებათა კომიტეტი რელიგიის თავისუფლებასთან დაკავშირებულ საკითხებზე სამუშაო ჯგუფის პირველ შეხვედრას გამართავს

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტი რელიგიის თავისუფლებასთან დაკავშირებულ საკითხებზე სამუშაო ჯგუფის პირველ შეხვედრას ორშაბათს გამართავს.

როგორც “ინტერპრესნიუსს“ კომიტეტის თავმჯდომარემ სოფო კილაძემ განუცხადა, სამუშაო ჯგუფში სხვადასხვა რელიგიური კონფესიების წარმომადგენლები და დაინტერესებული ორგანიზაციები შედიან.

“რელიგიის თავისუფლებასთან მიმართებით ბევრ კონფესიას სხვადასხვა თემატიკა აწუხებს. შეიქმნა ჯგუფი, სადაც ყველას შეეძლება იმაზე საუბარი, რაც აწუხებს. რაც შესაძლებელია, რომ საკანონმდებლო დონეზე დარეგულირდეს, ჩვენ ამის გაკეთებას შევეცდებით, რათა რელიგიის თავისუფლების უზრუნველყოფის კუთხით გადაიდგას ნაბიჯები. ჯგუფის მიზანი არის ეს“, - აღნიშნა სოფო კილაძემ.