მექსიკაში საწვავის მილსადენზე მომხდარი აფეთქების შედეგად დაღუპულთა რიცხვი 85-მდე გაიზარდა, ხოლო 58 ადამიანი კი ჯერ კიდევ საავადმყოფოში რჩება. ამის შესახებ ქვეყნის ჯანდაცვის მინისტრმა ხორხე ალკოსერმა განაცხადა.
შეგახსენებთ, რომ ტუსპანი-ტუილას მილსადენზე მძლავრი აფეთქება პარასკევს საღამოს მოხდა, როდესაც ასობით ადამიანი მილსადენიდან საწვავს იპარავდა.
მექსიკის სახელმწიფო ნავთობის კომპანიამ Pemex ოფიციალურად დაადასტურა, რომ აფეთქების მიზეზი მილსადენის მონაკვეთის არასანქცირებული ამოჭრა იყო.
იხილეთ ვიდეო: მექსიკაში მილსადენის აფეთქების შედეგად დაღუპულთა რიცხვი 85-მდე გაიზარდა