მაღალმთიანი დასახლებების განვითარების სტრატეგიის პროექტის საჯარო განხილვა გრძელდება

რეგიონებში მაღალმთიანი დასახლებების განვითარების სტრატეგიის პროექტის საჯარო განხილვა გრძელდება. რეგიონული განვითარებისა და ინფრასტრუქტურის სამინისტრომ ამ მიზნით მოსახლეობასთან და დაინტერესებულ მხარეებთან კონსულტაციები უკვე გამართა აჭარასა და რაჭა-ლეჩხუმი-ქვემო სვანეთის რეგიონებში.

რეგიონული განვითარებისა და ინფრასტრუქტურის სამინისტროს ცნობით, დღეს, პროექტს კახეთში განიხილავენ, ხვალ კი შეხვედრა სამცხე-ჯავახეთის მოსახლეობასთან გაიმართება. სტრატეგიის პრიორიტეტებს დისკუსიის მონაწილეებს რეგიონული განვითარებისა და ინფრასტრუქტურის მინისტრის მოადგილე მზია გიორგობიანი აცნობს.

მაღალმთიანი დასახლებების განვითარების სტრატეგიამ უახლოესი 4 წლის განმავლობაში სახელმწიფო პოლიტიკის ძირითადი მიმართულებები უნდა განსაზღვროს, რომლის მიზანი მაღალმთიანი რეგიონების მდგრადი ეკონომიური განვითარებაა.