ოფიციალური მოსკოვი უარყოფითად აფასებს ევროკავშირის განზრახვას სკრიპალების საქმესთან დაკავშირებით რუსეთს სანქციები დაუწესოს. ამის შესახებ ჟურნალისტებს რუსეთის პრეზიდენტის პრესმდივანმა დიმიტრი პესკოვმა განუცხადა.
ჟურნალისტის კითხვაზე, რომ ევროკავშირი სკრიპალების საქმეზე რამდენიმე პირისთვის, მათ შორის სკრიპალების მკვლელობის მცდელობაში ეჭვმიტანილების ალექსანდრე პეტროვისა და რუსლან ბოშიროვისთვის სანქციების დაწესებას აპირებს, კრემლის ოფიციალურმა წარმომადგენელმა უპასუხა, რომ „აღნიშნული პირები უსაფუძვლოდ არიან ეჭვმიტანილი“.
დიმიტრი პესკოვმა ხაზგასმით აღნიშნა, რომ დიდ ბრიტანეთს ამ საქმეზე რუსული მხარისთვის მტკიცებულებები არ წარუდგენია.
შეგახსენებთ, რომ დღეს ბრიუსელში ევროკავშირის საგარეო საქმეთა მინისტრების საბჭოს სხდომა იმართება, რომელზეც შედგენილი იქნება ე.წ. შავია სია იმ პირებთან მიმართებაში, ვინც პასუხისმგებელია ქიმიური იარაღის წარმოება და გამოყენებაზე.
არსებული ინფორმაციით, სანქციები შეეხება რუსეთის ოთხ მოქალაქეს, რომლებსაც ევროკავშირი პასუხისმგებლად მიიჩნევს სკრიპალების მკვლელობის მცდელობაში.