სირიის ჩრდილოეთ აღმოსავლეთ ნაწილში, ამერიკული და ქურთული ძალების კოლონაზე თავდასხმის შედეგად სულ მცირე ხუთი ადამიანი დაიღუპა. ამის შესახებ ინფორმაციას საინფორმაციო სააგენტო „ფრანს პრესი“ ორგანიზაცია „ადამიანის უფლებების დაცვის მონიტორინგის სირიულ ცენტრზე“ დაყრდნობით იუწყება.
არსებული ინფორმაციით, თავდასხმა თვითმკვლელმა ტერორისტმა განახორციელა. შედეგად, „სირიის დემოკრატიული ძალების“ ხუთი მებრძოლი დაიღუპა, ასევე დაშავებულია ორი ამერიკელი სამხედრო.