საქართველოს პარლამენტის თავმჯდომარე ირაკლი კობახიძე ტელეკომპანია „პირველის“ ჟურნალისტის, ლევან ჩხაიძის გარდაცვალების გამო მწუხარებას გამოთქვამს.

„ღრმა მწუხარებას გამოვთქვამ ტელეკომპანია „პირველის“ ჟურნალისტის, ლევან ჩხაიძის მოულოდნელი გარდაცვალების გამო. ის ძალიან დააკლდება ქართულ ტელესივრცეს, მაყურებელს და კოლეგებს. საქართველოს პარლამენტის სახელით, ვუსამძიმრებ ლევანის ოჯახსა და მეგობრებს“, -ნათქვამია ირაკლი კობახიძის სამძიმრის წერილში.

ტელეკომპანია „ტვ პირველის“ დღის ამბების წამყვანი ლევან ჩხაიძე გარდაიცვალა. 33 წლის ჟურნალისტი უცხოეთში მეგობრებთან ერთად იმყოფებოდა.