რომან გოცირიძე 10 მოსამართლის განცხადებაზე - ეს არის საზოგადოების შუალედური გამარჯვება, მაგრამ ამან არ უნდა მოგვადუნოს

ეს არის საზოგადოების შუალედური გამარჯვება, მაგრამ ამან არ უნდა მოგვადუნოს, - ასე ეხმაურება ფრაქცია „ნაციონალური მოძრაობის“ თავმჯდომარე რომან გოცირიძე უზენაესი სასამართლოს მოსამართლეობის კანდიდატების განცხადებას.

დეპუტატის შეფასებით, როგორც ზემოდან იყო დავალებული ამ სიის წარდგენა, ასევე გაიცა ბრძანება, რომ ამ ფორმით ყოფილიყო სია პარლამენტიდან გაწვეული.

„სხვა მექანიზმი არ არსებობდა სამართლებრივად პარლამენტში განხილვისა და ჩაგდების გარდა. ათი მოსამართლიდან არც ერთი მათგანი არ უნდა იყოს შემობრუნებული ხელმეორედ არც ერთ ეტაპზე. ახლა აუცილებელია უზენაესი სასამართლოს მოსამართლეთა შერჩევის სამართლიანი, გამჭვირვალე წესის შემუშავება. აქვთ თავიანთი წინადადებები არასამთავრობო სექტორს, ასევე იუსტიციის საბჭოს არამოსამართლე წევრებს. ჩვენ მივესალმებით ყველა იმ ინიციატივას, რომელიც გააუმჯობესებს არსებულს. ამასთან, ამ დღეებში შემოვა ჩვენი ფრაქციის საკანონმდებლო ინიციატივა, რომელიც მომზადდა გაერთიანებული ოპოზიციის მიერ და რომელიც ითვალისწინებს მოსამართლეთა დანიშვნას უცხოელი ექსპერტების მონაწილეობით", - განუცხადა „ინტერპრესნიუსს“ რომან გოცირიძემ.

უზენაესი სასამართლოს მოსამართლეობის კანდიდატები ერთობლივ განცხადებას ავრცელებენ და საქართველოს პარლამენტს მიმართავენ, არ მიეცეს შემდგომი მსვლელობა მათი კანდიდატურების განხილვას. როგორც მათ განცხადებაშია ნათქვამი, საქართველოს კანონმდებლობა არ ითვალისწინებს საქართველოს იუსტიციის უმაღლესი საბჭოს მიერ წარდგენილი კანდიდატურების უკან გაწვევის შესაძლებლობას და ყოველივე ზემოაღნიშნულიდან გამომდინარე, არაჯანსაღი სპეკულაციების თავიდან აცილების მიზნით, მიმართავენ პარლამენტს არ მისცეს მსვლელობა განხილვას.

განცხადებას ხელს აწერენ: მარიამ ცისკაძე, ნინო ქადაგიძე, მიხეილ ჩინჩალაძე, პაატა სილაგაძე, დიმიტრი გვრიტიშვილი, მერაბ გაბინაშვილი, ნინო სანდოძე, თამარ ალანია, გიორგი ტყავაძე და გიორგი მიქაუტაძე.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს