ელენე ხოშტარია - მნიშვნელოვანია, რომ ხელისუფლებამ საახალწლო სპეცოპერაციის ჩატარება ვერ მოახერხა, რათა კანონდარღვევით მთლიანად სასამართლო ხელში ჩაეგდო

მნიშვნელოვანია, რომ ამ ეტაპზე არასამთავრობო სექტორის, სამოქალაქო საზოგადოებისა და ყველა ჯანსაღი ადამიანის კონსოლიდირებული პროტესტის შედეგად, ხელისუფლებამ საახალწლო სპეცოპერაციის ჩატარება ვერ მოახერხა, რომ კანონდარღვევით მთლიანად სასამართლო ჩაედგო ხელში, - აღნიშნული განცხადება ჟურნალისტებთან საუბრისას საპარლამენტო უმცირესობის წევრმა ელენე ხოშტარიამ გააკეთა. დეპუტატის თქმით, ხელისუფლებას არანაირი მანიპულაციის შესაძლებლობა არ უნდა მიეცეს.

“უნდა დაიწყოს პროცესი, სადაც არა ფორმალური, არამედ რეალური კრიტერიუმებით მოხდება ამ ადამიანების ფუნდამენტური შესწავლა, მათ შორის ადამიანის უფლებების კუთხით, ისე, როგორც ეს არის ნორმალურ საზოგადოებაში, როდესაც დღეების განმავლობაში ხდება ადამიანების გამოკითხვა, იმსახურებენ თუ არა ისინი მოსამართლეობას. ამ პროცესს ჩვენც უნდა მოვაღწიოთ, რომ ვიყოთ მშვიდად და ხელისუფლებამ სასამართლო საკუთარ კლანჭებში არ ჩაიგდოს“, - განუცხადა ჟურნალისტებს ელენე ხოშტარიამ.

უზენაესი სასამართლოს მოსამართლეობის კანდიდატები ერთობლივ განცხადებას ავრცელებენ და საქართველოს პარლამენტს მიმართავენ, არ მიეცეს შემდგომი მსვლელობა მათი კანდიდატურების განხილვას. როგორც მათ განცხადებაშია ნათქვამი, საქართველოს კანონმდებლობა არ ითვალისწინებს საქართველოს იუსტიციის უმაღლესი საბჭოს მიერ წარდგენილი კანდიდატურების უკან გაწვევის შესაძლებლობას და ყოველივე ზემოაღნიშნულიდან გამომდინარე, არაჯანსაღი სპეკულაციების თავიდან აცილების მიზნით, მიმართავენ პარლამენტს, არ მისცეს მსვლელობა განხილვას.

განცხადებას ხელს აწერენ: მარიამ ცისკაძე, ნინო ქადაგიძე, მიხეილ ჩინჩალაძე, პაატა სილაგაძე, დიმიტრი გვრიტიშვილი, მერაბ გაბინაშვილი, ნინო სანდოძე, თამარ ალანია, გიორგი ტყავაძე და გიორგი მიქაუტაძე.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს