საპარლამენტო უმრავლესობის ლიდერი, არჩილ თალაკვაძე არ ადასტურებს ინფორმაციას, რომ მან შესაძლოა საქმიანობა ელჩად გააგრძელოს. აღნიშნული შინაარსის განცხადება თალაკვაძემ „პალიტრანიუსის“ გადაცემაში „360 გრადუსი“ გააკეთა. უმრავლესობის ლიდერის თქმით, აღნიშნული ინფორმაციის გავრცელება მიზანმიმართული ტყუილი იყო.
თალაკვაძემ „პალიტრანიუსის“ ეთერში იმ მიზეზებზეც ისაუბრა, თუ რის გამო არ აფიქსირებდა გარკვეული პერიოდის განმავლობაში საჯარო პოზიციას გუნდში მიმდინარე პროცესებთან დაკავშირებით.
„არათუ ელჩად წასვლას არ ვაპირებ, ის დღეები, 2, 3 და 4 იანვარი მე ჩემს შვილებთან და მეუღლესთან ერთად ვიყავი ქალაქგარეთ და ახალი წლის დღეებს ვხვდებოდი ოჯახის წევრებთან ერთად. თუ ჩემი პოზიცია არ დავაფიქსირე საჯაროდ, ეს გამოწვეულია იმით, რომ ჩემი პოზიცია და მოვალეობა საპარლამენტო გუნდში არის საერთო პოზიციის დაფიქსირება, რომელიც უმრავლესობისაა და თავს უფლებას ვერ მივცემდი, სანამ კონსულტაციები არ დასრულდებოდა, დამეფიქსირებინა უმრავლესობის პოზიცია“, - განაცხადა არჩილ თალაკვაძემ.