პეტრო პოროშენკო - ისრაელისგან ვსწავლობთ, თუ როგორ დავიცვათ ჩვენი ქვეყანა და შევქმნათ ძლიერი არმია

ჩვენ ისრაელისგან ვსწავლობთ, თუ როგორ დავიცვათ ჩვენი ქვეყანა და შევქმნათ ძლიერი არმია, - ამის შესახებ ისრაელში ვიზიტით მყოფმა უკრაინის პრეზიდენტმა პეტრო პოროშენკომ ისრაელის პრემიერ-მინისტრ ბენიამინ ნეთანიაჰუსთან გამართულ შეხვედრაზე განაცხადა.

„მსურს ამ შესაძლებლობით ვისარგებლო და მოგიწვიოთ უკრაინაში, რათა სიტყვით გამოხვიდეთ ჩვენს პარლამენტში, ასევე ერთად ვეწვიოთ ოდესას - ქალაქს, რომელსაც ებრაელი ხალხის უდიდესი ისტორია გააჩნია“, - განაცხადა პეტრო პოროშენკომ.

აღსანიშნავია, რომ ამ ვიზიტის ფარგლებში ორი ქვეყნის ლიდერებმა ხელი მოაწერეს შეთანხმებას ისრაელსა და უკრაინას შორის თავისუფალი ვაჭრობის ზონის შესახებ.

თავის მხრივ, ისრაელის პრემიერ-მინისტრმა ხაზგასმით აღნიშნა, რომ „აფასებს უკრაინის ძალისხმევას ანტისემიტიზმთან ბრძოლაში“.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან