მედიის ინფორმაციით, ქერჩის სრუტეში გემებზე გაჩენილი ხანძრის შედეგად დაღუპულთა რიცხვი 14-მდე გაიზარდა

ქერჩის სრუტეში ორ გემზე გაჩენილი ხანძრის შედეგად დაღუპულთა რიცხვი 14 ადამიანამდე გაიზარდა. ამის შესახებ საინფორმაციო სააგენტო ТАСС სამაშველო სამსახურში წყაროზე დაყრდნობით იუწყება.

შეგახსენებთ, რომ აქამდე გავრცელებული ინფორმაციით, საუბარი იყო ათ დაღუპულზე.

„14 ადამიანი დაღუპულია. შესაბამისად, 32 ადამიანიდან 6 ადამიანის ბედი უცნობია. 12 ადამიანი კი გადარჩენილია“, - განაცხადა წყარომ.

ორ გემზე ხანძრის გაჩენა ბორტიდან ბორტზე საწვავის გადაცემას უკავშირდება. არსებული მონაცემებით, ორივე გემი ტანზანიის დროშით არის. ერთზე 15, მეორეზე კი - 17 ადამიანი იმყოფებოდა. ყველა მათგანი ინდოეთისა და თურქეთის მოქალაქეები არიან.

იხილეთ ვიდეო: ქერჩის სრუტეში გემებზე გაჩენილი ხანძრის შედეგად დაღუპულთა რიცხვი 14-მდე გაიზარდა