საქართველოში საფრანგეთის ელჩი გიორგი გახარიასთან  შეხვედრას  გეგმავს

საქართველოში საფრანგეთის ელჩის, პასკალ მენიეს განცხადებით, დაახლოებით ერთ კვირაში საქართველოს შინაგან საქმეთა მინისტრ გიორგი გახარიასთან შეხვედრას გეგმავს, რომელზეც საქართველოს მოქალაქეების მიერ უვიზო რეჟიმის დარღვევის, კრიმინალური ქმედებებისა და თავშესაფრის მოთხოვნის შესახებ იმსჯელებენ. ამის შესახებ ელჩმა ჟურნალისტებს განუცხადა.

მისივე თქმით, საფრანგეთი ლტოლვილის სტატუსს ანიჭებს იმ ქვეყნების მოქალაქეებს, რომლებსაც ეს რეალურად სჭირდებათ და ამის მაგალითად მან სირია მოიყვანა.

როგორც ელჩმა აღნიშნა, საქართველოს მოქალაქეები ლტოლვილის სტატუსს უფრო ეკონომიკური მოტივით ითხოვენ.

„ჩვენ საქართველოს უსაფრთხო ქვეყნად მივიჩნევთ. პრობლემა არის ის, რომ თუ საქართველოს მოქალაქეები საფრანგეთში თავშესაფარს მოითხოვენ, ვერ მიიღებენ, რადგან მათი მოთხოვნის მოტივი უფრო ეკონომიკური ფაქტორია, ვიდრე პოლიტიკური. ამ საკითხთან დაკავშირებით ვიფიქრებთ ქართულ მხარესთან თანამშრომლობის ფორმებზე. არ მიმაჩნია, რომ უსაფრთო ან არაუსაფრთხო ქვეყნის სტატუსის მინიჭება ბევრ რამეს ცვლის”,- აღნიშნა პასკალ მენიემ.

მისივე თქმით, ასევე, რამდენიმე ქვეყნის ელჩთან შეხვედრა გასულ კვირას შედგა, სადაც აღნიშნულ საკითხებზეც ისაუბრეს.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს