ფინანსთა სამინისტროს სახაზინო ობლიგაციების აუქციონზე 25 000 000 ლარის ნომინალური ღირებულების 10-წლიანი ვადიანობის ფასიანი ქაღალდები გაიყიდა.

როგორც „ინტერპრესნიუსს“ ეროვნული ბანკიდან აცნობეს, აუქციონში მონაწილეობა მიიღო სამმა კომერციულმა ბანკმა, მოთხოვნამ შეადგინა 32 870 000 ლარი, მინიმალური საპროცენტო განაკვეთი 8.650%-ით, მაქსიმალური 9.000%-ით, ხოლო საშუალო შეწონილი 8.870%-ით განისაზღვრა.

„კუპონური საპროცენტო განაკვეთი 9.375 პროცენტს შეადგენდა. კუპონის გადახდა მოხდება წელიწადში ორჯერ, ყოველ ექვს თვეში“, - ნათქვამია სებ-ის ინფორმაციაში.