განათლების რეფორმის ფარგლებში ინფრასტრუქტურული მიმართულებით დაგეგმილი პროექტების წარდგენისას, საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა, ყურადღება გაამახვილა სკოლების მხრიდან რიგი ინფრასტრუქტურული საკითხების ადგილზე გადაჭრაზე. ინფორმაციას ამის შესახებ განათლების სამინისტრო ავრცელებს.

„სკოლების მენეჯმენტმა უნდა იზრუნოს შედარებით მარტივი, მაგრამ მოსწავლეების უსაფრთხოებისთვის მნიშვნელოვანი პრობლემების ადგილზე გადაჭრაზე. შესაბამისად, ჩვენ მუდმივ კომუნიკაციაში ვიქნებით სკოლების დირექტორებთან, რომ ის რისი გაკეთებაც შესაძლებელია, ოპერატიულად, ადგილზევე გადაიჭრას“ , - განაცხადა მინისტრმა.

მისი თქმით, განათლების რეფორმა საჭიროებს ჯანსაღ გარემოს, რაც განათლების ხარისხის ასამაღლებლად ერთ-ერთი გადამწყვეტია.