თბილისის მერის, კახა კალაძის ინფორმაციით, დედაქალაქში ახალი, MAN-ის ტიპის ავტობუსების შემოყვანა თებერვალში დაიწყება და მაისში დასრულდება.
როგორც კალაძემ ჟურნალისტებს განუცხადა, 90 ავტობუსი დედაქალაქში ეტაპობრივად შემოვა.
„ზუსტად ვერ გეტყვით როდის შემოვა ავტობუსების პირველი ნაკადი თბილისში. თუმცა, ახალი MAN-ის ტიპის 90 ავტობუსი, რომელიც ტენდერში გამარჯვებულმა კომპანიამ უნდა შემოიყვანოს, თებერვლიდან დაიწყება. პროცესის პირველი ეტაპი მაისში დასრულდება“, - განაცხადა კალაძემ.
ცნობისთვის, 90 ავტობუსი მერიამ 45 მილიონ ლარად შეისყიდა.
მერია ახალი ავტობუსების მეშვეობით „ბოგდანის“ მარკის მოძველებული ავტობუსების ჩანაცვლებას 2019 წლის ბოლომდე გეგმავს.