გარემოვაჭრეების ინფორმაციით, მცხეთის ჯვრის მონასტრის მიმდებარე ტერიტორიის დასატოვებლად 3-დღიანი ვადა მიეცათ

გარემოვაჭრეებს მცხეთის ჯვრის მონასტრის მიმდებარე ტერიტორიის დასატოვებლად 3-დღიანი ვადა მიეცათ. როგორც „ინტერპრესნიუსს“ ერთ-ერთმა გარემოვაჭრემ მევლუდ ღარიბაშვილმა განუცხადა, დღეს მოხდა ქალაქის ადმინისტრაციასა და სასულიერო პირებს შორის შეხვედრა, თუმცა შეთანხმება ვერ შედგა, რის შემდეგაც ზედამხედველობის სამსახურმა მათ მისცა გაფრთხილება, რათა ტერიტორია დაეტოვებინათ და საკუთარი დახლები გაეტანათ. გარემოვაჭრეები აცხადებენ, რომ ისინი ტერიტორიის დატოვებას არ აპირებენ და საპროტესტო აქციებს აანონსებენ.

„ჩვენ სამი დღე მოგვცეს ვადა, რის შემდეგაც უნდა დავტოვოთ ტერიტორია. მსგავსი პირობა ჩვენთვის მიუღებელია და აუცილებლად მივიღებთ შესაბამის ზომებს. ჩვენ ვაპირებთ, რომ მიმდინარე კვირაში საპროტესტო აქცია გავმართოთ“, - განაცხადა მევლუდ ღარიბაშვილმა.

შეგახსენებთ, ჯვრის მონასტერი 14 იანვარს ეკლესიის წინამძღვარის კონსტანტინე ჭინჭარაულის გადაწყვეტილებით დაიკეტა. საქართველოს საპატრიარქოს ოფიციალური ინფორმაციით, ეკლესიის წინამძღვარის ქმედება გარემოვაჭრეების საქმიანობის მოწესრიგებისათვის გადადგმული ნაბიჯი იყო. ეკლესიის ჭიშკარი 16 იანვარს გაიხსნა.

იხილეთ ვიდეო: შეთანხმება ვერ შედგა - გარემოვაჭრეებს მცხეთის ჯვრის მონასტრის მიმდებარე ტერიტორიის დასატოვებლად 3-დღიანი ვადა მიეცათ

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს