არჩილ თალაკვაძე - თემები, რომლითაც დავოსში მამუკა ბახტაძე საქართველოს წარადგენს, არის ჩვენი ქვეყნის უპირატესობა, რაც ეკონომიკურ წინსვლაში უნდა ავსახოთ

საპარლამენტო უმრავლესობის ლიდერი არჩილ თალაკვაძე აცხადებს, რომ თემები, რომლითაც დავოსის ეკონომიკურ ფორუმზე პრემიერ-მინისტრი მამუკა ბახტაძე საქართველოს წარადგენს, არის ჩვენი ქვეყნის უპირატესობა და ეს უპირატესობა ეკონომიკურ წინსვლაში უნდა ავსახოთ.

ამის შესახებ „ინტერპრესნიუსს“ პარლამენტიდან აცნობეს.

„თემები, რომლითაც დავოსის ეკონომიკურ ფორუმზე პრემიერ-მინისტრი მამუკა ბახტაძე ჩვენს ქვეყანას წარადგენს, არის საქართველოს უპირატესობა და ეს უპირატესობა ეკონომიკურ წინსვლაში უნდა ავსახოთ. სატრანსპორტო ჰაბის პროექტი, საინვესტიციო გარემო და ადამიანური რესურსი, ასევე, პირდაპირი სავაჭრო ხელშეკრულებები ევროკავშირთან და ჩინეთთან - ეს საკითხები ჩვენ ძლიერ პოზიციას გვაძლევს. პრემიერ-მინისტრთან გვქონდა წინასწარი სამუშაო შეხვედრები და მას აქვს გუნდის სრული მხარდაჭერა მოლაპარაკებებში“, - განაცხადა არჩილ თალაკვაძემ.