თამარ ჩუგოშვილი ევროპის საბჭოს საპარლამენტო ასამბლეის სოციალისტების ჯგუფის ვიცე-პრეზიდენტად მეორედ აირჩიეს

თამარ ჩუგოშვილი ევროპის საბჭოს საპარლამენტო ასამბლეის სოციალისტების ჯგუფის ვიცე-პრეზიდენტად მეორედ აირჩიეს, - ამის შესახებ „ინტერპრესნიუსს“ საქართველოს პარლამენტიდან აცნობეს.

თამარ ჩუგოშვილი ევროპის საბჭოს საპარლამენტო ასამბლეის სოციალისტების ჯგუფის ვიცე-პრეზიდენტად პირველად 2017 წლის იანვარში აირჩიეს. პარლამენტის ინფორმაციით, საქართველოს საპარლამენტო დელეგაცია დიდ მნიშვნელობას ანიჭებს პარტნიორ სოციალისტურ პარტიასთან ურთიერთობას. ევროპის საბჭოს საპარლამენტო ასამბლეის ფარგლებში, საქართველოს საპარლამენტო დელეგაცია, პარლამენტის თავმჯდომარის პირველი მოადგილის, თამარ ჩუგოშვილის ხელმძღვანელობით, მუდმივად მართავს შეხვედრებს ევროპის საბჭოს საპარლამენტო ასამბლეის სოციალისტების ჯგუფის წევრებთან და ხელმძღვანელებთან.

„სოციალისტების ჯგუფი სიდიდით მეორეა ევროსაბჭოს საპარლამენტო ასამბლეაში და ევროპის სხვადასხვა ქვეყნიდან, დაახლოებით, 180-ზე მეტ დეპუტატს ითვლის. ამ ჯგუფის წევრებთან და ხელმძღვანელთან მუდმივად ვსაუბრობთ ჩვენს ურთიერთობებზე, რეგიონში საქართველოს განსაკუთრებულ როლზე. ყველაფერს ვაკეთებთ იმისათვის, რომ საქართველოს ინტერესები სხვადასხვა კომიტეტებში თუ პლენარულ სხდომაზე უფრო ძლიერად იყოს წარმოჩენილი“, - განაცხადა თამარ ჩუგოშვილმა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 25.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის