კახა კალაძე - რამდენიმე დღის წინ უგულავა გამოვიდა მიამიტი სახით და ბოდიშს უხდიდა საზოგადოებას ჩემი გამონათქვამების გამო და არა იმის გამო, რაც ჩაიდინა ქალაქის წინაშე

რამდენიმე დღის წინ ყოფილი მერი გიგი უგულავა გამოვიდა მიამიტი სახით და მინაბული თვალებით და ბოდიშს უხდიდა საზოგადოებას ჩემი გამონათქვამების გამო და არა იმის გამო თუ რა ჩაიდინა ქალაქის წინაშე და რა შეცდომები აქვს დაშვებული, - ამის შესახებ დედაქალაქის მთავრობის სხდომის დაწყებისას თბილისის მერმა კახა კალაძემ განაცხადა. მისი განცხადებით, ვაკის პარკში სასტუმროს მშენებლობის სპეცნებართვა სწორედ გიგი უგულავას მერობის დროს გაიცა, რაც არის დანაშაული თბილისის და თბილისელებისთვის.

„თბილისისთვის მტკივნეული საკითხით მინდა დავიწყო, ეს არის ვაკის პარკში სასტუმროს მშენებლობისთვის გაცემული ნებართვა. ეს ნებართვა გაიცა 2013 წელს, გიგი უგულავას მიერ, რომელმაც გამოსცა სპეციალური აქტი - უვადო სპეცნებართვა და ვაკის პარკში ამ კომპანიას მიეცა უფლება, ააშენოს 30-მეტრიანი შენობა-ნაგებობა. ეს ჩვენთვის კატეგორიულად მიუღებელია. ამასთან დაკავშირებით აქტივისტები ეწინააღმდეგებოდნენ ამ მშენებლობას და მათ ძალიან დიდი მადლობა მინდა გადავუხადო. იყო დავები სასამართლოში, სამწუხაროდ, ყველა სარჩელი წაგებულია და სპეცნებართვა ძალაშია დატოვებული.

რამდენიმე დღის წინ ყოფილი მერი გიგი უგულავა გამოვიდა მიამიტი სახით და მინაბული თვალებით და ბოდიშს უხდიდა საზოგადოებას ჩემი გამონათქვამების გამო და არა იმის გამო თუ რა ჩაიდინა ქალაქის წინაშე და რა შეცდომები აქვს დაშვებული. ეს არის დიდი დანაშაული თბილისისა და თბილისელების წინაშე. დარწმუნებული ვარ, რომ ბევრი ასეთი ნებართვაა გაცემული, რომელიც ქალაქის გრძელვადიანი განვითარებისთვის მძიმე იქნება. ჩვენ მოგვიწევს ამ მიმართულებით მუშაობა და გარკვეული ნაბიჯების გადადგმა. ბევრი ნაღმი აგვიფეთქდა, რომელიც არის უგულავას მერობის დროს გაცემული. ჩემთვის, ბატონი უგულავა, რომელიც არის კორუმპირებული, არის ნათელი მაგალითი თუ როგორი არ უნდა იყო ქალაქის მერი“, - განაცხადა კალაძემ.

იხილეთ ვიდეო:

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა