ნაზი ჯანეზაშვილი - მოსამართლეებს მივმართავთ, რომ  დავიცავთ ყველას უფლებას

მოსამართლეებს მივმართავთ, რომ დავიცავთ ყველა იმ ინდივიდუალური მოსამართლის უფლებას, რომლისთვისაც ღირსება და ინდივიდუალური დამოუკიდებლობა არის ყველაზე მნიშვნელოვანი ღირებულება, - ამის შესახებ იუსტიციის უმაღლესი საბჭოს არამოსამართლე წევრმა ნაზი ჯანეზაშვილმა განაცხადა. იუსტიციის საბჭოს არამოსამართლე წევრები ანა დოლიძე და ნაზი ჯანეზაშვილი მიმართვას უგზავნიან 278 მოსამართლეს.

„ჩვენ ინდივიდუალურ მიმართვას ვუგზავნით 278 მოსამართლეს, ვინაიდან მიგვაჩნია, რომ სასამართლო სისტემაში არის რესურსი ღირსეული მოსამართლეებისა, რომლებსაც შეუძლიათ, რომ მიიღონ დამოუკიდებელი გადაწყვეტილება სასამართლო სისტემის პრობლემებთან და მართვის სისტემასთან დაკავშირებით. 26 იანვარს ჩანიშნულია რიგგარეშე მოსამართლეთა კონფერენცია, სადაც ერთადერთ საკითხად განიხილება სასამართლოსა და იუსტიციის უმაღლესი საბჭოს ირგვლივ განვითარებული მოვლენები, რაც როგორც ჩანს, უზენაესი სასამართლოს მოსამართლეობის კანდიდატურების წარდგენას და განვითარებულ პროცესებს უკავშირდება. ჩვენ ვითვალისწინებთ იმ გარემოებას, რომ სასამართლოს შიგნით არსებობს სერიოზული გამოწვევები ინდივიდუალური მოსამართლის დამოუკიდებლობის თვალსაზრისით. აქედან გამომდინარე, ვითვალისწინებთ იმას, რომ შესაძლოა მოსამართლეები არიან წნეხის, თვითცენზურისა და ცენზურის ქვეშ და შესაბამისად, მოსამართლეებს მივმართავთ, რომ ჩვენ მზად ვართ და დავიცავთ ინდივიდუალური მოსამართლის უფლებას, რომლისთვისაც ღირსება, ინდივიდუალური დამოუკიდებლობა არის ყველაზე მნიშვნელოვანი ღირებულება“, - განაცხადა ნაზი ჯანეზაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს