ომბუდსმენი დე ფაქტო ხელისუფლებებს და რუსეთს მოუწოდებს, მოხსნას ხელოვნური ბარიერები, რომლებიც ადგილობრივთა გადაადგილების თავისუფლებას ზღუდავს

სახალხო დამცველი 2019 წლის 10 იანვარს აფხაზეთის, ხოლო 11 იანვარს ცხინვალის გადასასვლელებზე შეზღუდულ გადაადგილებას ეხმაურება.

სახალხო დამცველი მოუწოდებს დე ფაქტო ხელისუფლებებსა და რუსეთის ფედერაციას მოიხსნას ხელოვნური ბარიერები, რომლებიც ზღუდავს ადგილობრივთა გადაადგილების თავისუფლებას, ასევე მათი განათლებისა და ჯანმრთელობის უფლებას.

„გავრცელებული ინფორმაციით, აფხაზეთის მიმართულებით შეზღუდულია გადაადგილება ყველასთვის, გარდა პაციენტებისა, რომელთაც ადგილობრივი სამედიცინო დაწესებულების ცნობა აქვთ სამედიცინო საჭიროებასთან დაკავშირებით, ხოლო ახალგორის მიმართულებით, გადასასვლელი სრულად ჩაკეტილია. უნდა აღინიშნოს, რომ გადასასვლელებით აქტიურად სარგებლობენ ადგილობრივი მცხოვრებლები, განსაკუთრებით ყურადსაღები კი პაციენტების, სტუდენტებისა და სკოლის მოსწავლეების მდგომარეობაა. სახალხო დამცველისათვის ცნობილი გახდა ორი შემთხვევის შესახებ, როდესაც ენგურის ხიდზე რამდენიმე დღის განმავლობაში პაციენტებმა ადგილობრივი სამედიცინო ცნობის მიუხედავად გადაადგილება ვერ შეძლეს. ასევე, სტუდენტები რომლებიც სადღესასწაულოდ გადასული იყვნენ როგორც აფხაზეთში, ისე ცხინვალის რეგიონში, საგამოცდო პერიოდისთვის ვერ ახერხებენ საქართველოს კონტროლირებად ტერიტორიაზე გადმოსვლას.

სახალხო დამცველის შეფასებით, გადასასვლელებზე გადაადგილების შეზღუდვა და მათი დროებითი დახურვა ლახავს ოკუპირებულ ტერიტორიებზე მცხოვრები ადამიანების გადაადგილების თავისუფლებას, უქმნის მათ დაბრკოლებებს ჯანდაცვის სერვისებისა და განათლების ხელმისაწვდომობის კუთხით. სახალხო დამცველი მოუწოდებს დე ფაქტო ხელისუფლებებსა და რუსეთის ფედერაციას მოიხსნას ხელოვნური ბარიერები, რომლებიც ზღუდავს ადგილობრივთა გადაადგილების თავისუფლებას, ასევე მათი განათლებისა და ჯანმრთელობის უფლებას“,- ნათქვამია სახალხო დამცველის მიერ გავრცელებულ განცხადებაში.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს
Jeep-ის ცენტრში დიდი ფასდაკლების აქცია დაიწყო
შეუდარებელი QLED 8K ტელევიზორი სამსუნგისგან