ბათუმიდან იაშვილის კლინიკაში გადმოყვანილი ბავშვის მდგომარეობა შედარებით გაუმჯობესებულია, - ამის შესახებ „ინტერპრესნიუსს“ იაშვილის სახელობით ბავშვთა საავადმყოფოში განუცხადეს.
„ბათუმიდან გადმოყვანილია ბავშვი, რომელსაც დალეული ჰქონდა სადეზინფექციო ხსნარი. მდგომარეობა საყურადღებო იყო და მოთავსდა იაშვილის სახელობის ბავშვთა ცენტრალური საავადმყოფოს ტოქსიკოლოგიურ დეპარტამენტში. ამჟამად ბავშვის მდგომარეობა შედარებით გაუმჯობესდა და გრძელდება მეთვალყურეობა“, - აცხადებენ საავადმყოფოს პრესსამსახურში.
შეგახსენებთ, რომ ბათუმში, #31-ე საბავშვო ბაღში 4 წლის ბავშვმა სადეზინფექციო ხსნარი დალია. ინციდენტი 2 დღის წინ მოხდა.