კახა კუჭავა - საქართველო გამორჩეული ლიდერია აღმოსავლეთ პარტნიორობის ქვეყნებს შორის და ეს აისახება კონკრეტულ ქმედებებში

იმის გათვალისწინებით, თუ როგორ ეხმაურებიან ევროკავშირის მაღალი თანამდებობის პირები საქართველოსთან თანამშრომლობას და ამ თანამშრომლობით მიღწეულ შედეგებს, იმაზე მიუთითებს, რომ ურთიერთობები კიდევ უფრო გაღრმავდება, ხოლო საუბარი უვიზო მიმოსვლის რეჟიმის გადახედვაზე, უსაფუძვლოა და დღის წესრიგში არ დგას, - ამის შესახებ საპარლამენტო უმრავლესობის წევრმა კახა კუჭავამ განაცხადა, როდესაც საქართველოში საფრანგეთის ელჩის განცხადებას გამოეხმაურა.

„საქართველო გამორჩეული ლიდერია აღმოსავლეთ პარტნიორ ქვეყნებს შორის და ეს აისახება კიდეც კონკრეტულ ქმედებებში, როგორიცაა მაგალითად საქართველოს მოქალაქეებისათვის ლეგალურად დასაქმების შესაძლებლობა გერმანიაში, იტალიაში და მალე საფრანგეთშიც. ამას დამატებული მჭიდრო თანამშრომლობა ეკონომიკური, განათლებისა და სხვა სფეროებში ურთიერთობებისა და ერთობლივი პროექტების გაღრმავებისაკენ გადადგმული ნაბიჯები.

საქართველოს პრეზიდენტის ბრიუსელში ოფიციალური შეხვედრების შემდეგ გაკეთებული კომენტარები ევროკავშირის წარმომადგენლების მხრიდან ამის კიდევ ერთი დასტურია“, - განაცხადა კუჭავამ.

„იმედი გვაქვს, რომ არ მოგვიწევს ისეთი ზომების მიღება, რომ კვლავ სავიზო რეჟიმი იქნას შემოღებული და ამით კეთილსინდისიერი მოქალაქეები დაზარალდნენ“, - ამის შესახებ საქართველოში საფრანგეთის ელჩმა პასკალ მენიემ “ინტერპრესნიუსს” საქართველოს მოქალაქეებისთვის მუშაობის უფლების მინიჭებასთან დაკავშირებით დასმული შეკითხვის საპასუხოდ განუცხადა. ელჩის თქმით, აღნიშნული უფლება ერთი წლის განმავლობაში სტუდენტებისა და გარკვეული პროფესიების მქონე პირებისთვის მოქმედებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს