ირაკლი კოვზანაძე - პრემიერის ვიზიტი დავოსში საქართველოს, როგორც ევროპა-აზიის სატანსპორტო ჰაბისა და სანდო ქვეყნის პოპულარიზაციას ემსახურება

პრემიერ-მინისტრის ვიზიტი დავოსში საქართველოს, როგორც ევროპა-აზიის სატანსპორტო ჰაბისა და სანდო ქვეყნის პოპულარიზაციას ემსახურება, - განაცხადა პარლამენტის საფინანსო-საბიუჯეტო კომიტეტის თავმჯდომარემ, ირაკლი კოვზანაძემ.

მისი თქმით, დავოსის მსოფლიო ეკონომიკური ფორუმი არის ადგილი, სადაც იკრიბებიან მსოფლიო პოლიტიკური ლიდერები და უმსხვილესი კომპანიების ხელმძღვანელები.

,,ბატონი მამუკა ბახტაძე გასულ წლებში რამდენიმეჯერ მონაწილეობდა აღნიშნული ფორუმის მუშაობაში, წელს კი ღონისძიებას უკვე საქართველოს პრემიერ-მინისტრის რანგში სტუმრობს,“ - აღნიშნა ირაკლი კოვზანაძემ.

კოვზანაძის შეფასებით, დავოსის ფორუმში მონაწილეობა მნიშვნელოვანია, რათა მოხდეს საქართველოს უკეთ პოზიციონირება და პოპულარიზაცია, როგორც წარმატებული რეფორმატორი ქვეყნის, ქვეყნის, სადაც ფულის ჩადებისა და ბიზნესის წარმოებისთვის ერთ-ერთი საუკეთესო გარემოა მთელს მსოფლიოში. სწორედ ამ მიზნით გამართა შეხვედრები პრემიერ-მინისტრმა, მამუკა ბახტაძემ სხვადასხვა ქვეყნის ოფიციალურ პირებთან, საერთაშორისო ბიზნესის და საფინანსო სფეროს წარმომადგენლებთან.

,,ზუსტად ამიტომ, პრემიერ-მინისტრის დავოსში ვიზიტი ემსახურება საქართველოს, როგორც ევროპა-აზიის საზღვაო კარიბჭის, სატანსპორტო ჰაბის, სანდო და ცივილიზებული ქვეყნის პოპულარიზაციას, შესაბამისად კი, უცხოური ინვესტიციების მოზიდვას და ეკონომიკური აქტივობის ზრდას“, - განაცხადა ირაკლი კოვზანაძემ.

აღნიშნულ ინფორმაციას პარლამენტი ავრცელებს.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს