გეგმური სარეაბილიტაციო სამუშაოების გამო, ელექტროენერგიის მიწოდება შეეზღუდება „ენერგო-პრო ჯორჯიას“ აბონენტების ნაწილს. ინფორმაციას „ენერგო-პრო ჯორჯია“ ავრცელებს.
გამანაწილებელ ქსელში დაგეგმილი სარეაბილიტაციო სამუშაოების გამო 24 იანვარს ელექტროენერგიის მიწოდება 12:00-დან 13:00 საათამდე შეუწყდებათ აბონენტებს მცხეთის მუნიციპალიტეტის სოფლებში ციხისძირი, მუხრანი, ქანდა, ქსანი და მიმდებარე დასახლებულ პუნქტებში.
12:00-დან 18:00 საათამდე ენერგომომარაგება დროებით შეეზღუდებათ დუშეთის მუნიციპალიტეტის სოფლებს ჩანადირები, უნდილაანთკარი, ბაზალეთი, ბაგიჭალა და მიმდებარე სოფლებს, ხოლო 14:00-დან 15:00 საათამდე - არღუნს, ტონჩას, ვეძათხევს, მილახვრიანს და მიმდებარე სოფლებს.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.