კომპანია „არემჯიში“ ახალი ტექნოლოგიების დანერგვის მიზნით სპეციალისტების გადამზადება მიმდინარეობს

კომპანია „არემჯიმ“ შრომის უსაფრთხოებისა და საწარმოო პროცესის მოდერნიზაციის მიზნით, თანამედროვე სამთო კარიერული მრეწველობისთვის განკუთვნილი ფინური წარმოების მძიმე ტექნიკა - SANDVIK-ის D245S ტიპის ორი საბურღი დაზგა შეიძინა.

როგორც „ინტერპრესნიუსს“ კომპანია „არემჯიდან“ აცნობეს, აღნიშნულ ტექნიკაში კომპანიის მხრიდან 2 200 000 აშშ დოლარის ოდენობის ინვესტიცია განახორციელდა. ამ ეტაპზე „არემჯის“ ექვსი წამყვანი სპეციალისტი მწარმოებლის წარმომადგენლების მიერ გამართულ ტრენინგებსა და კვალიფიკაციის ასამაღლებელ სწავლებას კომპანიის სასწავლო ცენტრში გადის.

5 დღიანი ტრენინგის ფარგლებში ფინური მწარმოებელი კომპანიის ტექნიკური სწავლების ინსტრუქტორი „არემჯის“ შესაბამის თანამშრომლებს დანადგარის მოწყობილობის შესახებ თეორიულ და პრაქტიკულ ცოდნას გაუზიარებს. აღნიშნული საბურღი არის უახლესი, კომპაქტური და ძლიერი დანადგარი, რაც პროდუქტიული და ეკონომიურია ჭაბურღილების თანამედროვე სტანდარტებით მოსამზადებლად. მსგავსი საბურღი დაზგები ნახშირის, სპილენძისა და ოქროს მოპოვებისთვის არის განკუთვნილი და მისი გამოყენება მსოფლიოს მრავალ ქვეყანაში ხდება. „არემჯის“ საერთო საწარმოო მოდერნიზაციის პროცესში მსგავსი ტიპის უახლესი დანადგარების შეძენა და მათი წარმოების პროცესში გამოყენება მნიშვნელოვანია.

„ჩვენთვის უმთავრესი ფასეულობა - ადამიანის ჯანმრთელობა და მისი უსაფრთხოებაა, სწორედ ამიტომ ბოლო პერიოდში კომპანიაში განხორციელებული სხვადასხვა სახის ინვესტიცია პირველ რიგში ჩვენთან დასაქმებული პერსონალისთვის უსაფრთხო სამუშაო გარემოს შექმნას ისახავს მიზნად. 2018 წელს ამ კუთხით კომპანიამ 10 მლნ დოლარი დახარჯა. შევიძინეთ ტექნიკა, რომელიც ემსახურება როგორც საწარმოო პროცესს, ისე მიმდებარე ტერიტორიაზე ცენტრალური გზების მორწყვასა და გარემოს გაუმჯობესებას. ვფიქრობ, მაქსიმალური ეფექტის მისაღწევად მნიშვნელოვანია თითოეული თანამშრომლის ჯეროვნად გადამზადება შესაბამისი დარგის კვალიფიციური სპეციალისტების მიერ,“ - განაცხადა RMG-ის წარმოების დირექტორმა კობა მენაბდიშვილმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს