სანზონაში გარდაცვლილი 4 წლის გოგონას დედის აღკვეთის ღონისძიების შეფარდებაზე სასამართლო იმსჯელებს

სანზონაში გარდაცვლილი 4 წლის გოგონას დედის, ლელა ქსოვრელის აღკვეთის ღონისძიების შეფარდებაზე თბილისის საქალაქო სასამართლოში სავარაუდოდ, დღეს იმსჯელებენ.

ქსოვრელს ბრალი ოფიციალურად გუშინ, გვიან ღამით წაუყენეს, სისხლის სამართლის კოდექსის 111, 3811 პრიმა მუხლის პირველი ნაწილით, რაც შემაკავებელი ორდერის დარღვევას გულისხმობს.

როგორც ქსოვრელის ადვოკატი, ნინო ტაბატაძე განმარტავს, მისი დაცვის ქვეშ მყოფი დუმილის უფლებით სარგებლობს და დანაშაულს არ აღიარებს.

სანზონაში 4 წლის ბავშვი 22 იანვარს გარდაიცვალა. შსს-ს ინფორმაციით, გარდაცვლილი გოგონას დედა შემაკავებელი ორდერის დარღვევისთვის დააკავეს, მას არასრულწლოვანთან კონტაქტი ეკრძალებოდა.