„ნაცმოძრაობის“ დეპუტატი აჭარის უმაღლეს საბჭოში - ზაზა ოქუაშვილი პოლიტიკური დევნილია

ზაზა ოქუაშვილი პოლიტიკური დევნილია,- ამის შესახებ აჭარის უმაღლეს საბჭოში „ერთიანი ნაციონალური მოძრაობის" დეპუტატმა ელგუჯა ბაგრატიონმა "ინტერპრესნიუსს" განუცხადა.

მისი თქმით, ზაზა ოქუაშვილის უფლებამოსილების შეწყვეტისათვის აჭარის უმაღლესი საბჭოს რეგლამენტი დაცული არ არის.

ელგუჯა ბაგრატიონი ამბობს, რომ პოლიტიკური დევნის გამო, დეპუტატი იძულებულია, აჭარის უმაღლეს საბჭოს წევრობაზე უარი თქვას, რის გამოც დღევანდელ კენჭისყრაში „ერთიანი ნაციონალური მოძრაობა" მონაწილეობას არ მიიღებს.

„პატრიოტთა ალიანსის" დეპუტატის, ზაზა ოქუაშვილისთვის აჭარის უმაღლეს საბჭოში ვადამდე ადრე უფლებამოსილების შეწყვეტის თაობაზე კენჭისყრა დღეს გაიმართება. როგორც აჭარის უმაღლეს საბჭოს პრესსამსახურში აცხადებენ, ზაზა ოქუაშვილის საკითხზე რიგგარეშე სხდომა გაიმართება, სადაც დღის წესრიგით გათვალისწინებული ერთი საკითხი იქნება.

შეგახსენებთ, რომ აჭარის უმაღლეს საბჭოს ვადამდე ადრე უფლებამოსილების შეწყვეტის თაობაზე "პატრიოტთა ალიანსის" წევრმა ზაზა ოქუაშვილმა ცოტა ხნის წინ მიმართა. "პატრიოტთა ალიანსი" აჭარის უმაღლეს საბჭოში ერთი დეპუტატით არის წარმოდგენილი.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა