აშშ-ს პრეზიდენტმა დონალდ ტრამპმა კონგრესის წინაშე ყოველწლიური მიმართვა გადადო.

შეგახსენებთ, რომ აქამდე წარმომადგენელთა პალატის სპიკერმა ნენსი პელოზიმ უარი განუცხადა პრეზიდენტს საკანონმდებლო ორგანოში სიტყვით გამოსვლაზე, ვიდრე საბიუჯეტო კრიზისი არ გადაწყდებოდა.

„ვიდრე „შათდაუნი“ გრძელდებოდა ნენსი პელოზიმ მომიწვია ქვეყანაში არსებულ მდგომარეობაზე კონგრესის წინაშე სიტყვით გამოვსულიყავი, ახლა მან შეიცვალა აზრი და შემთავაზა მოგვიანებით გამოვიდე. ეს მისი პრეროგატივაა და ასეთ შემთხვევაში კონგრესის წინაშე სიტყვით მაშინ გამოვალ, როდესაც მთავრობის მუშაობა განახლდება“, - განაცხადა აშშ-ს პრეზიდენტმა.

შეგახსენებთ, რომ „ქვეყანაში არსებული მდგომარეობის“ შესახებ მიმართვით დონალდ ტრამპი კონგრესის წინაშე 29 იანვარს უნდა გამოსულიყო. 18 იანვარს კი წარმომადგენელთა პალატის სპიკერმა ნენსი პელოზიმ დონალდ ტრამპს მოუწოდა, ქვეყანაში არსებული საბიუჯეტო კრიზისის გამო, მიმართვა გადაედო.