ნინო წილოსანმა მოსახლეობას 2018 წლის საქმიანობის ანგარიში და 2019 წლის სამოქმედო გეგმები წარუდგინა

ლანჩხუთი-ჩოხატაურის #60 ოლქის მაჟორიტარმა დეპუტატმა ნინო წილოსანმა მოსახლეობას 2018 წლის საქმიანობის ანგარიში და 2019 წლის სამოქმედო გეგმები წარუდგინა.

როგორც „ინტერპრესნიუსს“ საქართველოს პარლამენტიდან აცნობეს, დეპუტატმა იმ პრიორიტეტულ საკითხებზე ისაუბრა, რომლებიც მუნიციპალიტეტის მოსახლეობაში ბიუროს მიერ ჩატარებული კარდაკარ კვლევის შედეგებით გამოიკვეთა და 2019 წლის პროექტებში აისახა.

ადგილობრივ მოსახლეობასთან გამართულ საჯარო შეხვედრაზე დეტალურად იქნა განხილული 2019 წლის ინფრასტრუქტურული გეგმები - გზების მოწყობის, გაზიფიცირების, წყალმომარაგების, სკოლების მშენებლობა/რეაბილიტაციის პროექტები.

ლანჩხუთი-ჩოხატაურის მაჟორიტარი დეპუტატმა ნინო წილოსანი 2019 წლის პრიორიტეტად სამოქალაქო ჩართულობის გააქტიურება განსაზღვრა და ამ მიზნით საინიციატივო ჯგუფების შექმნაზე ისაუბრა.

შეხვედრის დასასრულს მაჟორიტარმა მოქალაქეთა შეკითხვებს უპასუხა.

ანგარიშის წარდგენას დაესწრნენ ადგილობრივი ხელისუფლების, არასამთავრობო ორგანიზაციების და მედიის წარმომადგენლები.

,,ჩემი, როგორც მაჟორიტარი დეპუტატის ამომრჩეველთან ურთიერთობის ძირითადი პრინციპებია ანგარიშვალდებულება და თანამშრომლობა. ამ ანგარიშვალდებულების ფარგლებში წელსაც, ტრადიციულად, წარვადგინე წლიური ანგარიში, სადაც მიმოვიხილეთ როგორც 2018 წელი - შესრულებული პროექტებით, ჩავარდნილი პროექტებით, ასევე გავაცანით 2019 წლის გეგმები და მზად ვიყავით, მიგვეღო შენიშვნები, კრიტიკული მოსაზრება თუ მოწონება. ამასთანავე დავაანონსე 2019 წელი, როგორც სამოქალაქო ჩართულობის წელი. ჩემი სურვილია, ჩვენს რაიონებში გავააქტიუროთ მოქალაქეები, რომ უფრო მეტად ჩაერთონ რაიონში მიმდინარე პროცესებში, რათა შემდეგ გავითვალისწინოთ მათი მოსაზრებები და მათთან ერთად დავგეგმოთ უკეთესი პროექტები”, - განაცხადა ნინო წილოსანმა.

ღონისძიება ეროვნულ-დემოკრატიული ინსტიტუტის (NDI) მხარდაჭერითა და დიდი ბრიტანეთის მთავრობის UK aid-ის ფინანსური ხელშეწყობით განხორციელდა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
ინოვაციური მომსახურება სამშენებლო სფეროში
მერაბ ჭიქაშვილი - "ხელისუფლებამ უნდა გაიგოს, რომ "ნაციონალური მოძრაობის" რეანიმაცია და გადარჩენა არ მოხდება!" (R)
თომა ხაბეიშვილი - "პატრიოტთა ალიანსი" პირველი პარტიაა, რომელიც  გამარჯვებისკენ სწორი ხედვებით მიისწრაფვის!" (R)
არჩილ ბენიძე - "ამომრჩეველზე სხვადასხვა სახის ფსიქოლოგიური ზეწოლა მიმდინარეობს!" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)
ლიბერთი #გულით და Lingwing-ის ერთობლივი პროექტი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის