გია ჟორჟოლიანი - კონკრეტულ დეპუტატებზე დღეს საუბარი არ ყოფილა, საუბარი იყო იმაზე, თუ რა წესით უნდა შეირჩნენ მოსამართლეები

უზენაესი სასამართლოს მოსამართლეების შესარჩევად, მსჯელობა გაგრძელდება, - ამის შესახებ პარლამენტის უმრავლესობის წევრმა გია ჟორჟოლიანმა ჟურნალისტებს პარტია „ქართული ოცნების“ ცენტრალურ ოფისში გაუცხადა, სადაც უმრავლესობის სხდომა გაიმართა.

ჟორჟოლიანის მტკიცებით, პარტიის თავმჯდომარეს, ბიძინა ივანიშვილს კონკრეტული დეპუტატების შესახებ არ უსაუბრია და არც ვინმეს პარტიიდან გარიცხვის შესახებ ყოფილა საუბარი.

„შეთანხმება მოხდა მხოლოდ ერთ რამეზე, რომ ყველას, ვისაც აქვს გარკვეული მოსაზრება იმის თაობაზე, თუ როგორ უნდა შეირჩნენ და დაინიშნონ უზენაესი სასამართლოს მოსამართლეები, ამაზე მოხდეს მსჯელობა და ყველა მოსაზრება იქნას მოსმენილი. შეხვედრა იმიტომ არ დასრულდა დღეს, რომ ამის თაობაზე ბევრს აქვს მოსაზრებები და დღეს ეს მოსაზრებები ვერ გამოვთქვით. ამის შემდეგ უნდა მივიღოთ შერჩევის და დანიშვნის წესი და კრიტერიუმები. კონკრეტულ პიროვნებებზე, დეპუტატებზე ლაპარაკი არ ყოფილა. საუბარი იყო იმაზე, თუ როგორ, რა წესით უნდა შეირჩნენ მოსამართლეები. დღეს გამოვიდა 5-6 დეპუტატი, მეც მინდა გამოსვლა და ჩემი მოსაზრების დაფიქსირება, ასევე არიან სხვა დეპუტატებიც. რა თქმა უნდა, მეც ვიზიარებ იმ პრინციპს, რომ სასამართლო უნდა იყოს დამოუკდებელი, მაგრამ ეს არ არის ერთადერთი პრინციპი. ჩვენ უნდა გავაკეთოთ ისე, რომ სასამართლო იყოს სამართლიანი და საზოგადოების ნდობით აღჭურვილი. მხოლოდ ის, რომ პოლიტიკური ჯგუფებისგან იქნება სასამართლო დამოუკიდებელი არ არის საკმარისი იმისთვის, რომ საზოგადოებაში ამ სასამართლოს მაღალი რეპუტაცია ჰქონდეს. ჩვენ ისიც უნდა გავითვალისწინოთ, რომ გვქონდა ისეთი ვითარება, როგორიც იყო ჩილეში, სამხრეთ აფრიკაში და ეს იყო დანაშაულებრივი რეჟიმი, ამის შემდეგ სასამართლოს სჭირდება განსაკუთრებული ძალისხმევა, მხოლოდ იმ წესებით როგორც ეს საფრანგეთშია, ვერ ვიმოქმედებთ, ამას იქ ათწლეულები დასჭირდა, ამიტომ ჩვენ ძალიან სწრაფად უნდა მივიღოთ ისეთი სასამართლო, რომელიც პოლიტიკური ჯგუფებისგანაც დამოუკიდებელი იქნება და საზოგადოების მიერაც ნდობით აღჭურვილი“, - განაცხადა ჟორჟოლიანმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა