არჩილ თალაკვაძე - მსჯელობა ხვალაც გაგრძელდება - გუნდში არსებობს თანხმობა, რომ სასამართლოსთან დაკავშირებით გადაწყვეტილებებს მივიღებთ

გუნდში არსებობს თანხმობა, რომ ვიმუშავებთ და მივიღებთ გადაწყვეტილებებს სასამართლოსთან დაკავშირებით, - ამის შესახებ საპარლამენტო უმრავლესობის ლიდერმა არჩილ თალაკვაძემ „ქართული ოცნების“ ოფისში გამართული შეხვედრის დასრულების შემდეგ განაცხადა და აღნიშნა, რომ დღევანდელი შეხვედრა სასამართლოსთან დაკავშირებულ მსჯელობას დაეთმო.

„დღეს იყო ძალიან მნიშვნელოვანი შეხვედრა, პრაქტიკულად მთელი დრო დავუთმეთ სასამართლოსთან დაკავშირებულ მსჯელობას, ყველას ჰქონდა შესძლებლობა, რომ ამ თემასთან დაკავშირებით საკუთარი პოზიცია გამოეთქვა. ვფიქრობ, რომ პროცესი უკვე უბრუნდება ნორმალურ სამუშაო კალაპოტს. ვფიქრობ, ძირითად პრინციპებზე შეთანხმების რესურსი არის, რომლითაც ჩვენ ამ სამუშაო პროცესში უნდა ვიხელმძღვანელოთ უნზენაესი სასამართლოს დაკომპლექტების დროს. შეხვედრა და მსჯელობა ხვალაც გაგრძელდება, ვინაიდან დღეს ჩვენ საკმაოდ დიდი ხნის განმავლობაში გვქონდა მსჯელობა და ეს მსჯელობა ჯერ დასრულებული არაა“, - განაცხადა თალაკვაძემ.

მისივე თქმით, დღევანდელი შეხვედრა ძალიან კონსტრუქციული იყო.

„რაც მთავარია, დღეს გუნდში არსებობს თანხმობა იმასთან დაკავშირებით, რომ ჩვენ ყველა ვიმუშავებთ და მივიღებთ გადაწყვეტილებებს სასამართლოსთან დაკავშირებით, რომელიც ემსახურება სასამართლოს დამოუკიდებლობას, თავისუფლებას და ისეთ სასამართლოს, რომელიც ჩვენი ქვეყნის დემოკრატიულ განვითარებას სჭირდება“, - განაცხადა თალაკვაძემ.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში