ანა დოლიძე - მეჩვენება, რომ ირაკლი კობახიძემ გადაწყვიტა, დაპატიჟოს თავისი ძმაკაცები დაბადების დღეზე და იქ მე და ნაზი ჯანეზაშვილს დაგვიძახოს

იუსტიციის უმაღლესი საბჭოს არამოსამართლე წევრი ანა დოლიძე არასამთავრობო სექტორის მიერ უზენაესი სასამართლოს მოსამართლეთა შესარჩევ სამუშაო ჯგუფში მონაწილეობაზე უარის თქმას ეხმაურება და აცხადებს, რომ სამუშაო ჯგუფის მუშაობას მხოლოდ იმ შემთხვევაში ექნება მნიშვნელობა, თუ ეს საზოგადოებრივად უმწვავესი თემა განიხილება ღიად და ყველას ეცოდინება, რა კრიტერიუმებით დაპატიჟეს იქ მოსამართლეები.

„მე მეჩვენება, რომ ირაკლი კობახიძემ გადაწყვიტა, დაპატიჟოს თავისი ძმაკაცები თავის დაბადების დღეზე და დაგვიძახოს იქ მე და ნაზი ჯანეზაშვილს. რა თქმა უნდა, ამ შეხვედრას მნიშვნელობა ექნება მხოლოდ იმ შემთხვევაში, თუ ეს საზოგადოებრივად უმწვავესი თემა განიხილება ღიად, თუ ჩვენ გვეცოდინება, რა კრიტერიუმებით დაპატიჟეს იქ მოსამართლეები. მაგალითად, დაპატიჟეს ე.წ. შავი სიის მოსამართლეები და არ დაპატიჟეს უზენაესი სასამართლოს მოსამართლეები. რა წესით მივიღებთ გადაწყვეტილებებს? თუ ირაკლი კობახიძემ უბრალოდ უნდა ილაპარაკოს, მონოლოგები წაგვიკითხოს და თავში გვიკაკუნოს, როგორც ამას ხშირად აკეთებს? ყველა ამ პირობების ახსნის და დასაბუთების შემთხვევაში ჩვენ გადავწყვეტთ, ღირს თუ არა ამ შეხვედრაზე მისვლა, თუ ეს არის უბრალოდ საკუთარ ძმაკაცებთან ერთად დაბადების დღეზე ჩვენი დაპატიჟება, რაც მხოლოდ და მხოლოდ დროის კარგვა იქნება“, - განაცხადა ანა დოლიძემ.

შეგახსენებთ, რომ „კოალიციამ დამოუკიდებელი და გამჭვირვალე მართლმსაჯულებისთვის“ უარი თქვა უზენაესი სასამართლოს მოსამართლეთა შესარჩევ სამუშაო ჯგუფში მონაწილეობაზე და პარლამენტს მიმართა, არსებითად გადაიხედოს შექმნილი ფორმატი და ჯგუფის შემადგენლობა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)